Sustanon

Anabolic Property - 100
Androgenic Property - 100
Estrogenic Property - Moderate
Half Life - 7-8 Days
Active Life - 21 Days
အမျိုးအစား - ထိုးဆေး ( oil based )

ကောင်းကျိုးများ

Sustanon သည် ကျားဟော်မုန်းကုထုံးအတွက် ဆေးပညာနယ်ပယ်တွင်သုံးစွဲရန် ဦးစွာထုတ်ဖော်ခဲ့သောဆေးဖြစ်သည်။ Sustanon 250တွင် propionate အမျိုးအစား 30mg၊ phenylpropionate အမျိုးအစား 60mg၊ isocaproate အမျိုးအစား 60mg၊ decaonate အမျိုးအစား 100mg အစရှိသော ကျားဟော်မုန်းအမျိုးအစား ၄မျိုးကို ရောစပ်ပြီး ထိုးထိုးပြီးချင်း ၂၄-၄၈နာရီအတွင်းအာနိသင်ပြရုံမက ထိုအာနိသင်ကို ၃ပတ်ကြာတည်ရှိနေအောင်ရည်ရွယ်ချက်နဲ့ထုတ်ခဲ့သောဆေးအမျိုးအစားဖြစ်သည်။

ကာယဗလနယ်ပယ်တွင် Sustanon ကို ထုတင်သည့်အချိန်တွင် အဓိကထားကာ dbol၊ deca၊ anadrol အစရှိသည် ဆေးများနှင့်တွဲကာအသုံးပြုလေ့ရှိသည်။

Sustanon သည် ကြွက်သားတည်ဆောက်မှုလှုံဆော်ပေးနိုင်သောဂုဏ်သတ္တိ နှင့် ယောက်ျားပီသသောသွင်ပြင်ကိုလှုံဆော်ပေးနိုင်သောဂုဏ်သတ္တိ မြင့်မာသော ဟော်မုန်းဖြစ်သည့်အတွက် အသုံးပြုသူကို ပိုမိုကြွက်သားတည်ဆောက်စေကာ သန်မာမှုကိုလည်းမြှင့်တင်ပေးသည်။ 

Sustanon သည် ကြွက်သားတည်ဆောက်မှုအတွက် အရေးကြီးဆုံးဖြစ်သည့် နိုက်ထရိုဂျင်မျှခြေ အပေါင်းဘက် ( Postive Nitrogen Balance ) ကိုဖြစ်စေသည်။ Postive Nitrogen Balance ဖြစ်မှသာကြွက်သာများပျက်စီးမှုကိုပြန်လည်ပြင်ဆင်နိုင်ခြင်း၊ ကြွက်သားကြီးထွားလာအောင်ပိုမိုတည်ဆောက်နိုင်ခြင်း တို့ကိုဖြစ်စေသည်။

Sustanon သည် Androgen Receptors ဟုခေါ်သည် ဟော်မုန်းပေါင်းရမည့်လက်ခံအစိတ်အပိုင်းနှင့် သွားပေါင်ပြီး ထိုreceptorမှတဆင့် ကြွက်သားတည်ဆောက်မှုကိုလှုံဆော်နိုင်သည့်အပြင် အဆီလောင်ကျွမ်းမှုကိုမြှင့်တင်ပေးနိုင်သည်။

ပုံမှန်ထက်များပြားသော sustanonတွင်ပါဝင်သော ဟော်မုန်းများ အလုပ်လုပ်နိုင်ရန် ထိုဟော်မုန်း‌သွားပေါင်းရမည့်လက်ခံအစိတ်အပိုင်းဖြစ်သည့် Androgen Receptors များကိုလည်း ခန္ဓာကိုယ်တွင်ပိုမိုထုတ်လုပ်အောင်လှုံဆော်ပေးသေးသည်။

အဆီလောင်ကျွမ်းမှုကိုမြှင့်တင်ပေးသည့်အကြောင်းအသေးစိတ်ပြန်ပြောရမယ်ဆို ထိုးလိုက်သော Sustanon သည် အဆီဆဲလ်၏မျက်နှာပြင်တွင်ရှိသည့် Androgen Receptors လက်ခံအစိတ်အပိုင်းကိုသွားပေါင်းပြီး အဆီများကိုဖြိုကွဲပြီးလောင်စာအနေနဲ့သုံးဆွဲစေသောကြောင့် အဆီများသိသိသာသာကျစေရုံမက အဆီဆဲလ်များတည်ဆောက်မှုကိုလည်းဟန့်တားပေးသည်။ ကြွက်သားတည်ဆောက်မှုမြင့်မားလာသည့်အခါ ထိုတည်ဆောက်မှုအတွက် ကယ်လိုရီများပိုမိုသုံးစွဲပြီးလောင်ကျွမ်းရသည်။

Sustanon သည် သွေးနီဥပမာဏကိုမြှင့်တင်ပေးသောကြောင့် သွေးတွင်းအောက်ဆီဂျင်ပမာဏကိုမြှင့်တင်ပေးကာ သက်လှုံကောင်းစေပြီး လေ့ကျင့်ခန်းအပြင်းအထန်လုပ်ပြီးချိန်တွင်လည်း အလျင်အမြန်သက်သာစေသည်။

Sustanon သည် ခန္ဓာကိုယ်တွင် ကြွက်သားတည်ဆောက်မှုကိုမြှင့်တင်ပေးသော igf-1 ကိုပိုမိုထုတ်လုပ်‌စေရုံသာမက ဖြိုခွဲမှုကိုလှုံဆော်ပေးသော catabolic ဟော်မုန်းများ၏ action ကိုဟန့်တားပေးသည်။

ထိုကဲ့သို့ကြွက်သားတည်ဆောက်မှု၊ အဆီလောင်ကျွမ်းမှုကို‌လှုံဆော်ပေးနိုင်သည့်အာနိသင်များအပြင် ကြွက်သားများရှိ ‌လှုပ်ရှားမှုအာရုံကြောများကို များပြားစေသောကြောင့် ကြွက်သားများညှစ်နိုင်စွမ်းကိုမြှင့်လာစေကာ ခွန်အားကိုသိသာစွာတိုးစေသည်။ ထို့အပြင် ကြွက်သားများ၏ ဂလိုက်ကိုဂျင်သာိလောင်မှုကိုမြှင့်တင်ပေးသေးသည်။ ဂလိုက်ဂိုဂျင်သည် ပြင်းထန်စွာလေ့ကျင့်သည့်အခါ အဓိကလိုအပ်သော လောင်စာဖြစ်သည့်အတွက် ကစားအား၊ သက်လုံ ပိုမိုကောင်းလာစေသည်။

အသုံးပြုပုံ/ဆေးပမာဏ

စတင်သုံးစွဲသူများအတွက် အပတ်စဉ် ၂၀၀-၂၅၀ မီလီဂရမ် ဝန်းကျင်ဖြစ်ပြီး အသုံးပြုသူ၏ အတွေ့အကြုံ နှင့် goal အပေါ် မူတည်ပြီးကွာခြားနိုင်သောကြောင့် တိကျသော ပမာဏသိရှိရန် သင့်ဆရာဝန်နှင့် ဦးစွာတိုင်ပင်ပြီးမှ သုံးစွဲသင့်ပါသည်။ Sustanon သည် အမျိုးသမီးများအတွက် အသုံးပြုရန် မရည်ရွယ်ပါ။